ВЕЧАРЫНА "Каралевы польскія Альдона, Соф'я Гальшанская і Барбара Радзівіл у гістарычным лёсе Беларусі"

5 сакавіка 2014 года ў Доме дружбы адбылася вечарына з цыкла "Беларуска-польскае сумоўе".
Старшыня таварыства "Беларусь-Польшча", пісьменнік, дыпламат Анатоль Іванавіч Бутэвіч распавядаў пра дружбу суседніх народаў, даўнія беларуска-польскія культурныя і гістарычныя сувязі і пра тэму вечара "Каралевы польскія Альдона, Соф'я Гальшанская і Барбара Радзівіл у гістарычным лёсе Беларусі".
Вядучы распавядаў пра выстаўку "Жаночая лірыка", якую падрыхтавалі навучэнцы гімназіі-каледжа мастацтваў імя І.В. Ахрэмчыка" і прапанаваў паслухаць музычныя нумары. Перад гасцямі выступілі навучэнцы гімназіі-каледжа.
На вечарыне таксама навучэнцы сустрэліся з беларускай пісьменніцай, перакладчыкам Раісай Баравіковай, старшынёй Беларускага Фонда культуры Уладзімірам Аляксандравічам Гілепа.
А.І. Бутэвіч выказаў падзяку дырэктару гімназіі-каледжа мастацтваў Пазднікаву М.А., усім удзельнікам канцэрта і выстаўкі.

Удзельнікі канцэрта: Капыціна Ангеліна, Грышчанка Крысціна, Ляўковіч Яна, Лушчык Таццяна, Ефімук Ганна, Калоша Людміла, Кажушка Эмілія, Сацэвіч Паліна, Дзергунова Софья, Батальёнак Аляксандра, Ансамбль скрыпачоў "Сугучча". Мастацкі кіраўнік Галіна Ганчарова, канцэртмайстар Сяргей Багачоў.	На выставе прадстаўлены лепшыя творы навучэнцаў мастацкага аддзялення Церахавай Кацярыны, Конанавай Ганны, Балакіравай Таццяны і іншых.